டுலிடோ இந்துக் கோயில்

ஆலய வரலாறு : ஒஹிஒ மாகாணத்தின் புகழ்பெற்ற நகரமான டுலிடோ பகுதி இந்த இந்து‌க்கோயில் அமைந்துள்ளது. 1982ம் ஆண்டு இக்கோயில் உருவாக்கப்பட்டது. பின்னர் 1989ம் ஆண்டு ஆகஸ்ட் மாதம் புதிதாக நிலம் பெறப்பட்டு நிரந்தரமான கட்டிடத்தில் இக்கோயில் அமைக்கப்பட்டது. இக்கோயில் இந்து மதம், கலாச்சாரம் மற்றும் ஆன்மிக செயல்பாடுகள் நடைபெறும் இடமாக திகழ்கிறது. இப்பகுதியில் வாழும் 400 இந்து குடும்பத்தினர்களும், டுலிடோ பல்கலைகழகத்தில் படிக்கும் சுமார் 300 இந்திய மாணவர்களும் இக்கோயிலில் நடைபெறும் வைபவங்களில் தவறாது கலந்து கொள்கின்றனர். இக்கோயிலில் வழிபாடுகள், ஆன்மிக சொற்பொழிவுகள், மதம் சார்ந்த கூட்டங்கள், கலாச்சார நிகழ்வுகள் உள்ளிட்டவைகள் நடத்தப்பட்டு வருகின்றனர். இக்கோயிலில் தீபாவளி, நவராத்திரி உள்ளிட்ட அனைத்து இந்து மற்றும் இந்திய பண்டிகைகள் தவறாது கொண்டாடப்படுகின்றன. இந்து பாரம்பரியம் மற்றும் ஆன்மிக கொள்கைகளை விளக்கும் வகுப்புக்களும், திருமண வைபவங்களும் நடத்தப்படுகிறது.

ஆலய நேரம் : செவ்வாய் முதல் வெள்ளிக்கிழமை வரை நாள்தோறும் மாலை 5 மணி முதல் இரவு 8 மணி வரை ஆலயம் திறந்துள்ளது. சனி மற்றும் ஞாயிற்றுக் கிழமைகளில் காலை 9 மணி முதல் பகல் 2 மணிவரை ஆலயம் திறந்துள்ளது. திங்கள் கிழமைகளில் கோயில் அடைக்கப்பட்டுள்ளது. 

ஆலய முகவரி : Hindu Temple of Toledo,

4336 King Road, Sylvania, OH 43560

தொலைப்பேசி : 419 843 4440

இமெயில் : hindutempletoledo@gmail.com

இணையதளம் : http://www.hindutempleoftoledo.org